గుంటూరు:ఎంత పని చేశావ్ బామ్మా, సీసీ ఫుటేజ్ చూస్తే!

వెంకటసుబ్బమ్మ తన రెండు బంగారు గాజులు, ఒక గొలుసు (56 గ్రాములు) విలువైన నగలను పాత చీరల్లో దాచింది. రెండు రోజుల క్రితం పాత దుస్తులు కొనే వ్యాపారికి ఆ చీరలను అమ్మేసింది. ఆ తర్వాత ఆమెకు అసలు విషయం గుర్తుకు వచ్చింది. వెంటనే కొల్లిపర పోలీసులకు ఫిర్యాదు చేసింది. పోలీసులు వెంటనే రంగంలోకి దిగి ఊరిలో ఉన్న సీసీ కెమెరాలను పరిశీలించారు. తెనాలి నందులపేటకు చెందిన తాడిశెట్టి సాంబశివరావు అనే వ్యాపారి ఆ చీరలను కొన్నట్లు గుర్తించారు. అయితే అప్పటికే వ్యాపారికి విషయం తెలిసి పోలీసులకు సమాచారం ఇవ్వడానికి సిద్ధమయ్యారు.